Գիրությունը կօգնի հաղթահարել շաքարախտը

Պեննիգտոնի հետազոտական կենտրոնի աշխատակից Նիկհիլ Դհուրանդհարը հայտնաբերել է, որ վիրուսը, որը ստիպում է օրգանիզմին արտադրել ավելի շատ ճարպային բջջիջներ, կարող է նվազեցնել շաքարախտի առաջացման վտանգը: Նա պարզել է, թե ինչպիսի ազդեցություն կարող է ունենալ ադենովիրուս-36-ը մարդու օրգանիզմի վրա:

Գիտնականները հետազոտել են արյան նմուշները, որոնք վերցվել էին 1400 կամավորներից երկարաժամկետ հետազոտության ընթացքում: Փորձագետները ադենովիրուս-36-ի հակամարմիններ են հայտնաբերել 14,5% կամավորների մոտ, այն ժամանակ, երբ նրանք նոր էին միացել հետազոտությանը:

Տասը տարի անց ադենովիրուս-36-ով վարակվածներն ավելի մեծ քաշ ունեին, քան չվարակված կամավորները, սակայն հետաքրքիրն այն էր, որ առաջին խմբի կամավորներն ինսուլինի և խոլեստերինի ավելի լավ ցուցանիշներ ունեին:

Գիտնականները եկել են այն եզրակացության, որ այդ վիրուսը բազմացնում է ճարպային բջջիջները, որոնք մարդը ստանում է սննդի միջոցով, փոխանցում է MedDaily-ին:

Այն բջջիջները, որոնք ավելանում են վիրուսի հետևանքով, ճարպ են կուտակում, դա նշանակում է, որ ավելի քիչ ճարպ է թափանցում լյարդ, իսկ այդ բջջիջներն ավելի շատ շաքար են կուտակում՝ շաքարի նորմալ չափաբաժին ապահովելով արյան մեջ:

Հարցեր, պատասխաններ, մեկնաբանություններ